Gizartea albisteak

Martxan da Elhuyar Zientzia Azokaren 10. edizioa, eta aurten ere nanoGUNE kolaboratzaileen artean dago. Gaurtik hasi eta igandea bitartean, gazteek ikasturtean landutako 200 STEAM proiektu ikusteko aukera izango da Bilboko Areatzan, baita tailerrak, esperimentuak eta zientzia-ikuskizunak ere. Guztira 500 gaztek hartuko dute parte aurtengo azokan. 

Indartsu hasi da otsailaren 11n urtero ospatzen den Emakume eta Neska Zientzialarien Nazioarteko Eguna dela eta hamazazpi euskal erakundek aurten antolatu duten Emakumeak Zientzian 2022 ekimena. Gaur goizean Donostian izan den aurkezpen-ekitaldian honako hauek parte hartu dute: Jabier Larrañaga Gipuzkoako Ekonomia Sustapena, Turismo eta Landa Inguruneko Foru Diputatua, Marisol Garmendia Donostiako Udaleko Garapen Ekonomiko eta Enplegu zinegotzia, Aitziber L. Cortajarena CIC biomaGUNEko zuzendari zientifikoa, Ainhoa Lete BuntPlanet-en fundatzaileetako bat eta zuzendari nagusia, eta Sandra Camarero POLYMATeko Ikerbasque ikertzailea; baita Mónica Moreno (POLYMAT) eta Itziar Otegui (CIC nanoGUNE) Emakumeak Zientzian 2022ko koordinatzaileak ere.

Hamazazpi euskal erakundek gaur goizean aurkeztu dute urtez urte handituz doan Emakumeak Zientzian proiektua, eta, hala, ekimenaren helburuekiko konpromisoa berretsi dute: zientzian diharduten emakumeen lana ikusaraztea, jarduera zientifiko-teknikoak gizonezkoen kontua direlako ustea apurtzea eta neskek eta nerabeek zientziako ikasketak hauta ditzaten sustatzea. Helburu horiek kontuan hartuta, erakundeek indarrak batu dituzte Emakume eta Neska Zientzialarien Nazioarteko Eguna dela eta (otsailaren 11n ospatzen da urtero) elkarrekin egingo dituzten jardueren programa antolatzeko. 

Alboko Esklerosi Amiotrofikoaren Ikerketa Sustatzeko Espainiako Fundazioak (FUNDELA) alboko esklerosi amiotrofikoaren (ELA) gaixotasuna ikertzeko proiektu bat esleitu dio CIC nanoGUNEri, 12 de Octubre ospitaleko ELA ikertzeko laborategiarekin “i+12” eta Ramon y Cajal-IRYCIS ospitaleko Genetika Zerbitzuarekin lankidetzan; azken horiek CIBERER Gaixotasun Arraroen Sareko Ikerketa Biomedikoko Zentroko ospitaleak dira.

Hamazazpi euskal erakundek bat egin dute Emakumeak Zientzian proiektuarekin, lankidetza-hitzarmen berri bat sinatuz, eta, hala, ekimenaren helburuekiko konpromisoa berretsiko dute: zientzian diharduten emakumeen lana ikusaraztea, jarduera zientifiko-teknikoak gizonezkoen kontua direlako ustea apurtzea eta neskek eta nerabeek zientziako ikasketak hauta ditzaten sustatzea. Helburu horiek kontuan hartuta, erakundeek indarrak batu dituzte Emakume eta Neska Zientzialarien Nazioarteko Eguna dela eta (otsailaren 11n ospatzen da urtero) elkarrekin egingo diren jardueren programa antolatzeko.

Jabier Larrañaga, Ekonomia Sustapeneko, Turismoko eta Landa Inguruneko Diputatua, eta Jon Gurrutxaga, Berrikuntza eta Internazionalizazio zuzendaria NanoGUNEn egiten dugun goi mailako ikerketa eta garapena gertutik ezagutzera gonbidatu ditugu gaur.

Donostia International Physics Center (DIPC), CIC nanoGUNE ikerketa-zentroa, Materialen Fisika Zentroa (CFM CSIC-UPV/EHU), CIC biomaGUNE, Biodonostia, Tecnun-Escuela de Ingeniería, Ceit, POLYMAT, Elhuyar, UPV/EHUko Informatika Fakultatea eta Eureka! Zientzia Museoak zientzia-programazio bateratua aurkeztu dute, mundu osoan ospatzen den otsailaren 11ko Emakume eta Neska Zientzialarien Nazioarteko Eguna ospatzeko. Egun horretatik aurrera eta Donostian, hilabete osoan zehar egingo dira Emakumeak Zientzian 2021 ekimenaren ekintzak: tailerrak, hitzaldi publikoak, esperimentuak familian, bisita birtualak…ekintza horietako asko birtualki egingo dira osasun larrialdia dela eta. Ekimenaren helburua da zientzian diharduten emakumeen lana ikusaraztea, jarduera zientifiko-teknikoak gizonezkoen kontua direlako ustea apurtzea eta neskek eta nerabeek zientziako ikasketak hauta ditzaten sustatzea. Emakumeak Zientzian 2021 ekimenak Gipuzkoako Foru Aldundiaren, Donostiako Sustapenaren, Zientzia Ikerketarako Kontseilu Nagusiaren (CSIC) eta Zientzia eta Teknologiarako Espainiako Fundazioaren (FECYT) laguntza du.

CIC nanoGUNE ikerketa-zentroaren sorrera eta garapena hasiera-hasieratik biltzen dituen "NanoGUNE, txikiaren xarma" liburua aurkeztu berri da gaur goizean nanoGUNEn. Nanozientziaren eta nanoteknologiaren alorrean puntako ikerketa nola egiten den gizarteratzea da liburuaren jomuga. “Txikiaren erronka handia” egunetik egunera nola mamitzen da? Nola gauza daiteke proiektu zinez berritzaile eta ausart bat? Galdera horri erantzuten dio kontakizun honek.

"Emakumeak Zientzian" ekimenak STEAM Euskadi zigilua jaso du Euskadin STEAM hezkuntza sustatzeagatik. 

Bostehun pertsona baino gehiago hurbildu dira Emakumeak Zientzian 2020.

Bederatzi euskal erakunde elkartu ziren Emakume eta Neska Zientzialarien Nazioarteko Eguna ospatzeko otsailaren 7tik 14ra.