Galiziako ordezkaritza batek CIC nanoGUNE bisitatu du
José Alberto Díez Unibertsitateeen idazkari nagusiak, Galiziako hiru unibertsitate publikoetako ikerketa-errektoreordeek eta Xuntako CIGUS sarea osatzen duten hamar unibertsitate-ikerketa zentroetako ordezkariek osatutako Galiziako ordezkaritza batek CIC nanoGUNE bisitatu du.
Euskal Herrira egindako bisitan, nanoGUNEz gain, Ikerbasque Zientziarako Fundazioa, Biofisika Institutua, Achucarro Basque Center for Neuroscience, Tecnalia, CIC bioGUNE, Basque Center on Cognition Brain and Language (BCBL) eta Basque Research & Technology Alliance (BRTA) aliantza bisitatu ditu Galiziako ordezkaritzak.
Astelehenean hasi ziren jardunaldi eta bisitei esker, bi ordezkaritzek ikerketa-ekosistemari eta zentro horien antolaketa- eta zientzia-kudeaketari buruzko esperientziak trukatu dituzte, eta jardunbide egokiak eta ekimen inspiratzaileak identifikatu eta networkingerako aukerak aurkitu dituzte.