Mariana Medina Sánchez kolonbiar ingeniari mekatroniko gailen bat da. Bartzelonan Kataluniako Nanozientzia eta Nanoteknologia Institutuan (ICN2) doktoretza lortu ondoren, Dresdengo (Alemania) Leibniz Institutuan (IFW Leibniz) sartu zen. Mikrorrobot medikoak garatzera bideratu du karrera; hain zuzen, lagunduriko ugalketan erabiltzekoak eta minbizi ginekologikoa tratatzeko terapien askapen lokalizatuan erabiltzekoak.  2024aren hasieran, Mariana Medina Sánchez nanoGUNEn sartu zen Ikerbasque ikertzaile gisa.