Transferentzia

Euskal Herria bere industriaren berrikuntza sustatzen ari da Espezializazio Adimentsurako Ikerketa eta Berrikuntza Estrategikoaren testuinguruan (RIS3), eta Eusko Jaurlaritzak hiru esparruri eskaini die arreta, Euskal Herriarentzat estrategikoak direlakoan: fabrikazio aurreratua, energia, eta biozientzia eta osasuna. Testuinguru honetan, nanoteknologiari Teknologia Gaitzaile Gako iritzi zaio (KET, ingelesezko sigletatik), zerbitzu- eta industri-sektore zabal bati irtenbide eraginkorragoak eta merkeagoak eskaintzeko duen ahalmenagatik hain zuzen ere.

NanoGUNEk enpresekin eskuz esku egin nahi du lan, zientziaren eta enpresen arteko zubi-lana eginez, gizarteari gure ekonomiaren hazkunde lehiakorra ekarriko duten irtenbide berritzaile integratuak eskaintzeko asmoz.

Jarraian abian ditugun programa eta proiektu batzuk aurkezten ditugu. Hala ere, berrikuntzarako malgutasuna behar-beharrezkoa dela sinetsita gaude, eta horregatik, lankidetza moduak enpresen beharretara egokitzen ditugu.